PLIDA
(Progetto Lingua Italiana Dante Alighieri)
Институт Данте Алигиери – Скопје
Институт Данте Алигиери – Скопје
На 23.01.2009 година Централата на Институтот „Данте Алигиери” од Рим издаде дозвола за изведување на испитите по италијански јазик ПЛИДА во седиштето во Скопје.
Испитот е поделен на шест основни рамништа (А1, А2, Б1, Б2, Ц1, Ц2), според Европската рамка за познавање на јазиците. Покрај овие шест рамништа постои и можност за полагање на Деловен ПЛИДА и ПЛИДА Јуниор. Сертификатот од овој испит е акредитиран од Министерството за надворешни работи, од Министерството за труд и социјална политика, како и од Министерството за наука и високо образование на Република Италија.
За кого е наменет:
- во Институтот Данте Алигиери во Скопје сметаме дека Сертификатот ПЛИДА ќе биде посебно интересен за средношколските ученици што планираат да запишат студии на некој од италијанските универзитети.
- Сертификатот ПЛИДА може да им послужи на сите оние што сакаат да работат во
Р. Италија, каде треба да приложат потврда за познавање на јазикот.
- Сертификатот ПЛИДА е корисен и за сите оние што сакаат да имаат признаена потврда за познавање на италијанскиот јазик.
Испитот се изведува секоја година во две сесии, во мај и ноември за регуларните испити. Испитите Деловен ПЛИДА и ПЛИДА Јуниор се изведуваат во една сесија во јуни.
Уписите за мајската сесија траат најдоцна до 29 април 2009, а испитите се закажани по рамништа за следниве датуми:
А1, А2 и Б1 на 26 мај 2009 (вторник)
Б2, Ц1, Ц2 на 27 мај 2009 (среда)
Усните испити почнуваат на 28 мај 2009 (четврток).
Испитот се изведува во седиштето на Институтот Данте Алигиери на бул. Партизански Одреди бр.22, Скопје. Доколку се пријават поголем број кандидати, испитот ќе се изведе во Италијанско-македонскиот мултимедијален центар на Филолошкиот факултет Блаже Конески.
Подетални информации во врска со условите и начинот на кој се организирани испитите, определување на Вашето рамниште на познавање на италијанскиот јазик врз основа на Европската јазична рамка, како и испити од минатите сесии можете да најдете на интернет страната на Институтот „Данте Алигиери” од Рим: www.ladante.it, или да ни се обратите нам на телефон 3 224-519 и имејл адреси: ladante.skopje@gmail.com, eli.filipovska@gmail.com, (Ве молиме во subject да напишете: за сертификатот ПЛИДА)
Претседател на Институтот: проф. д-р Анастасија Ѓурчинова
Одговорен за ПЛИДА: Елена Филиповска
