Почитувани студенти,
Се надеваме дека ве наоѓаме во добро здравје, добро расположени и спремни за учење :) Веќе знаете дека поради препораките во рамките на заштитата од коронавирусот класичната настава на нашата катедра и на целиот УКИМ, беше ставена во мирување. Но тоа не значи дека наставата е запрена во целост. Доколку сѐ уште не сте стапиле во контакт со предметните професори, ќе ве замолам тоа да го сторите во најкус рок. Тие ќе ве известат за начинот на одржување на наставата која многу ќе зависи и од природата на самиот предмет. Професорите со задоволство ќе ви објаснат како планираат да ја одржат наставата и од вас ќе се бара само следење на препораките на предметните професори.
Го изучуваме најубавиот јазик на планетава да не дозволиме една корона да не оддалечи од него :)
Ние ви стоиме на располагање и со задоволство ќе одговориме на сите прашања, а на предизвиците ќе одговориме како и досега успешно, со многу ентузијазам и желба наскоро пак да се вратиме во нашите простории и да работиме со исто темпо.
Ви посакуваме добро здравје и секако останете дома!
проф. д-р Александра Саржоска
раководител на катедрата за италијански јазик и книжевност
