Драги колеги,
●Во моментов се чека да заврши рокот за електронско пријавување на испити на iknow (05.06.2020) за професорите да добијат точна бројка на студенти кои ќе полагаат и да може во целост да се изработат распоредите со датуми за полагање, коишто се надеваме дека ќе бидат објавени до крајот на неделава.
●АПЕЛИРАМЕ ДО ВАС ДА ГИ ПРИЈАВИТЕ САМО ОНИЕ ИСПИТИ КОИ НАВИСТИНА САКАТЕ ДА ГИ ПОЛАГАТЕ И СМЕТАТЕ ДЕКА ЌЕ МОЖЕТЕ НАВРЕМЕНО ДА ГИ ПОДГОТВИТЕ, со цел да се добие оптималната бројка на пријавени студенти и да се избегне некоординираност.
●Со оглед на тоа што студентските домови нема да се отворат до крај на академската учебна година и бројката на заболени постојано е во пораст, а земајќи го предвид резултатот од спроведената анкета, ФСС го изнесе својот и вашиот став до Деканатот за најбезбедната опција - онлајн. Ни беше даден одговор дека Факултетот е целосно подготвен да овозможи физичка сесија, но и дека многу професори веќе се во размислување да ги префрлат испитите онлајн.
Деканатот и воедно професорите се свесни за големиот ризик и потешкотии со кои студентите можат да се соочат при спроведување на физичката сесија, па затоа интензивно се работи кон тоа да се најдат алтернативни начини за тестирање. Предметниот професор ќе ве информира во врска со деталите околу начинот на полагање во најскоро време, но крајната одлука е подложна на промена во зависност од ситуацијата, така што најдоцна три дена пред самиот испит одлуката ќе биде конечна.
Останете во добро здравје до нашето следно известување,
Ваши ФСС на ФЛФ.
