Студиската програма на Катедрата за италијански јазик и книжевност предвидува студентот да пријави, подготви и одбрани дипломски труд. Темата за дипломскиот труд се избира од областа на предметите од првиот модул или од вториот модул (насока). Трудот се изработува под менторство на еден наставник од Катедрата и се брани пред тричлена комисја.
Дипломскиот труд се пријавува откако студентот ќе освои 200 кредита (односно со запишување на VIII семестар) или најдоцна 15 дена откако ќе го положи последиот испит. Во првиот случај, дипломскиот труд се брани не подолго од 90 дена од датумот на последниот испит, или во вториот случај, од датумот на заверка на Решението за одобрена тема (месецот јули не се засметува, доколку овој месец влегува во предвидените 90 дена).
Од 2015 год. дипломскиот труд задолжително мора да се пријави и како предмет при заверка на семестарот. Пријавата може да се направи и пред избор на темата и има важност од 1 година.
Подетални информации за дипломскиот труд студентите можат да најдат во следниот правилник кој го има и во нивниот профил:
Правила за студирање
Формуларите потребни за подготовка на дипломскиот труд можат да се преземат на следната адреса:
Дипломски труд
На огласните табли на Катедрата истакнати се предлози за теми од наставниците.
